عاد الى منزله وجد والدته ووالده مع دارين يشاهدون التلفاز
ادهم:السلام عليكم ورحمة الله وبركاته
الجميع:وعليكم السلام ورحمة الله
خديجة:كنت فين ياادهم ايه اللى اخرك كده
القى بجسده على اقرب كرسى :مفيش ياامى مشكلة حصلت فى الشغل بس ربنا ستر
خديجة:خير ياحبيبى
ادهم:خير الحمد لله بس الباشمهندسة نور وقعت من الدور التانى بس الحمد لله ربنا ستر
فخر الدين:ياسار يارب طيب وعاملة ايه دلوقتى
ادهم:الحمد لله يابابا كويس انها نزلت على رمل اخدتها المستشفى وبقت كويسة الحمد لله
فخر:يبقى لازم تصرف عليها لحد ماتقوم بالسلامة
ادهم:ماهو انت عملت كده بس الغريبة
ان بابها رفض نهائى ان ادفع الفلوس
فخر”طيب ليه دى اصابة عمل يعنى المفروض مصاريف علاجها عليك
ادهم:مش عارف يابابا راجل غريب ونظراته اغرب منه زى ما يكون بيشبه عليا
خديجة:ههههههه وهيشوفك فين بقى
ادهم:مش عارف ياماما حتى اكرم استغرب من طريقته
فخر:هو بيشتغل ايه
ادهم:على ما اعتقد مدرس بس طلع معاش
خديجة:يمكن كان مدرس عليك ولا حاجة
ادهم:لالا حتى اسمه مامرش عليا قبل كده
فخر :اسمه ايه يمكن اعرفه
ادهم:اللى عرفته الهاردة ان اسمه فكرى مختار
صدمة سيطرت على خديجة وفخر عند سماعهم الاسم
خديجة:قلت مين
ادهم:فكرى
مختار تعرفه يابابا
نظرات متبادلة بين خديجة وفخر لاحظها ادهم ودارين
دارين:ايه ياجماعة تعرفوه
نظر فخر الى خديجة التى قامت سريعا الى غرفتها تبكى وفخر ورائها ظل ادهم ودارين فى حيرة من امرها وسبب بكاؤها
ذهب اليهم ادهم واستئذن ليدخل عليهم فاذن له والده
ادهم”ايه ياماما مالك
خديجة:لا ياحبيبى مصدعة شوية
ادهم:من ايه ماانتى كنتى كويسة دلوقتى
خديجة:بعصبية :مفيش ياادهم روح دلوقتى وسيبنى
فخر:معلش ياادهم امشى دلوقتى وبعدين نتكلم
نظر ادهم اليها:حاضر تصبحوا على خير
خرج ادهم ونظر فخر الى خديجة:
ايه ياخديجة شوفتى الايام دوراة ازاى
خديجة:صحيح مسير الحى يتلاقى
فخر:وهتعملى ايه ولادك لازم يعرفوا
خديجة:مش دلوقتى يافخر لسه شوية ام اقابله وربنا يستر فى منزل نور كانت تجلس مع مريم فى سريرها
مريم:بس قوليلى يانور مين المز اللى شوفته فى المستشفى
نور:اتلمى يابت انتى عيب عليكى
مريم:
يعنى حد سامع بس انتى طلعتى مش سهلة روفيدة قالتى انك نطقتى اسمه فى البنج اشمعنى بقى
نور:انتوا مجنانين كل الحكاية انه كان واقف معايا فطبيعى اسمه كان على لسانى ساعتها
مريم بخبــ,,ـــــث:يا بت عليا انا ده انا عجناكى وخبزاكى
نور:بت انتى امشى من هنا
دق بابهم ودخل فكرى اليهم:ها يانور عاملة ايه
نور :الحمد لله يابابا بخير
فكرى:مريم سيبنى شوية مع نور
مريم:حاضر يابابا
جلس فكرى امام نور :نور انتى ايه علاقتك باادهم صاحب الشركة
نور بتوتر:علاقة ايه يابابا تقصد ايه
فكرى:يعنى مرة يوصلك لحد هنا وينقلك المستشفى ويدفع حساب
علاجك ويرجع يقولى عايزك فى موضوع مهم يبقى ايه
نور:بابا اولا انا قلت لحضرتك ان لولا ان العربية وقفت منى مكنتش ركبت معاه واللى حصل امبارح طبيعى انه ينقنلى المستشفى ويدفع حسابى كمان اللى حصلى ده اصابة عمل يعنى هو المسئول
فكرى:نور انا عارفك كويس اوعى يانور حد يضحك عليكى سمعانى مش عايز يحصلك زى ابوكى
نور:تقصد ايه يابابا
فكرى:بعدين يانور بعدين بس خدى بالك من ادهم ده سمعتنى خدى بالك منه يانور
نور:حاضريابابا حاضر
الحلقة التاسعة عرض زواج بعد حوالى اسبوع عادت نور لعملها وسط ترحاب من الجميع عندما علم ادهم برجوعها ذهب اليها بمكتبها وبداخله شوق لها حاول كثيرا ان يخيفيه
ادهم:حمد لله على السلامة يانور
نور:الله يسلمك ياادهم ومتشكرة اوى على اللى عملته معايا
ادهم:على ايه دى اقل حاجة ممكن اعملها معاكى بس انا عايزاعرف يوسف هو اللى زقك
نور:لا انا كنت برجع محستش بنفسى غير وانا بقع
ادهم:وبترجعى ليه هو عملك حاجة
نور:لالا ابدا متشغلش بالك
نظر حوله ثم عاد اليها:ممكن اتكلم معاكى فى موضوع مهم
نور:خير اتفضل
ادهم:لا مش هينفع هنا تعالى المكتب نتكلم براحتنا
نور:مش هينفع لو فى حاجة ممكن تقولها هنا
ادهم:نور انتى لسه خايفة منى …..
صدقينى انا اكتر واحد فى الدنيا ممكن يخاف عليكى وعشان انا عارف انك مش هترضى نخرج بره المكتب بقولك نتكلم فى المكتب وسيبى الباب مفتوح ياستى
نور بعد تفكير:اوكيه
ادهم:خلاص هستناكى سلام
ترددت نور كثيرا فى الذهاب اليه ولكن ما طمنها هو ان الباب سيظل مفتوح
ذهبت اليه ووجدت هدى فى مكتبها كالمعتاد القت عليها السلام ودخلت الى ادهم وتركت الباب مفتوح
نور:انا جيت اهوو ممكن اعرف فى ايه
قام ادهم من مكتبه ووقف امامها مباشرة:نورانا عايز اقولك انى انا اتغيرت بسببك كل حاجة فيا اتغيرت انت كنت تايه فى الدنيا بدور على الانتقام وبس
كنت ناسى حاجات كتير تاهت منى فى زحمة الدنيا
بس من يوم ما قابلتك وحسيت ان فى حاجات كتير احلى انا كنت اعمى عنها
نور:بس انا برضه مش فاهمة انت قصدك ايه
ادهم:نور ….
من غير ماالف وادور عليكى تتجوزينى
دهشة كبيرة اصابت نور بهذه الكلمات ولم تستطيع التحدث بكلمة واحدة
ادهم:انا عارف ان طلب مفاجئ ليكى بس والله انا صادق فى كل كلمة انا قولتها نور انا انا
نور:انت ايه
ادهم:انا بحبك وعايز اتجوزك قلتى ايه
صمتت نور كثيرا وهى تائهة لا تعرف كيف ترد عليه تشعر تجاهه بمشاعر كثيرة لم تعرفها من قبل اهذا هو الحب ام انه اعجاب ام ماذا ولكنها تذكرت جيلان وحديث يوسف عن الفتيات الذى يعرفهم ويقضى معهم ليله وموضوع سجــ,,ـــــنه الذى ام تعرف الى الان اذا كان حقيقا ام لا قاطع ادهم تفكيرها
وهو يقترب منها
ادهم:قلتى ايه يانور
نور:انت ازاى عايزنى اوافق على طلبك وانت على علاقة ببنات كتير وانا بنفسى شوفت عينة منهم العلاقة اللى بينكم مستحيل تكون صداقة وبس لا دى حاجة اكتر بكتير وانا مش هوافق انى اربط حياتى بواحد كان ليه علاقات الله اعلم حرام ولا حلال
ادهم بصدمة:نور انتى بتقولى ايه اقسملك بالله اللى بينى وبين جيلان علاقة عادية جدا جيلان علاقتى بيها بسبب هقولك عليه بعدين بس لازم تعرفى انى عندى اخوات بنات ومستحيل اعمل حاجة تغضب ربنا وتترد فى اخواتى
نور:اه بامارة كلامك معايا فى الاول
ابتسم ادهم :تعرفى انها اول
مرة اتجرا واقول كلمة زى دى بس بصراحة انتى استفزتينى فى الاول حبيبت اغيظك مش اكتر لكن والله واجيب المصحف واحلف عليه انى عمرى ما عملت حاجة حرام
نور:وانا اسفة انا مش مواقفة
التفت لتخرج اوقفها ادهم:استنى عندك يعنى ايه مش مواقفة بعد اللى قلته مش مواقفة بعد ماتنطقى اسمى وانتى فى البنج تقولى مش مواقفة بعد ما تغيرى فيا كل حاجة تقولى مش مواقفة
ترددت كثيرا فى الاجابة عليه كيف تواجهه بكلام يوسف عن سجــ,,ـــــنه بقضية الســ,,ـــــرقة وهى الى الان لاتعرف اذا كان صادقا فى حديثه عن علاقته بالفتيات ام لا
ادهم:مردتيش ليه لو فى حد
فى حياتك قوليلى بدل ماافضل عايش فى وهم حلمت بيه كتير
نور:انا مفيش حد فى حياتى ولو فى هيبقى بحلال ربنا ومش هخاف ولا ادارى بس انا عندى اسبابى اللى تمنعنى
امسك بيدها بعصبية شديدة:يعنى ايه اسباب ايه انطقى
نزعت ذراعها بغضب من تصرفه :لو سمحت مينفعش انك تلمسنى متخلنيش اندم ان جيت اتكلم معاك عن اذنك
تركته غاضبا ببركان ثائر يمكنه تدمير اى شئ امامه
اما هى فلا تعرف كيف رفضته احست انها اضاعت شئ غالى عليها فجاة ايمكن ان يكون ما تشعر به هو الحب ولكن كيف لها ان تحب رجل متعدد العلاقات ولا تعلم صدق حديثه من عدمه
مر يومهم ثقيل ممل وعادا كل منهم الى بيته يشعر بالم وحيرة جعلت النوم يفارقهم طول ليلهم اما نور فقررت ان تتقدم باستقالتها غدا وبدون عودة ولكن هل هذا ينهى الحيرة والالم ام لا
صباح مختلف ملى بمفاجات لم يتوقعها احد ذهبت نور الى عملها كالمعتاد لكنها لاحظت نظرات غريبة من العاملين لا تعرف
سببها دخلت مكتبها وجدت تقى وروفيدة يتحدثون بعصبية شديدة ومعهم اكرم
نور:صباح الخير ياجماعة
نظروا الى بعضهم قليلا:صباح النور
نور:هو فى ايه مال الناس بتبصلى كده ليه
تقى:ليه يانور
نور:مش عارفة زى ما يكون فى حاجة هو فى حاجة
اكرم:متشغليش بالك ناس فاضية
نور:يعنى ايه
اكرم بارتباك:لا ولا حاجة عن اذنكم
نور:هو فى ايه كلام اكرم ماله كده كله الغاز
روفيدة:مفيش ياحبيبتى مفيش حاجة كبرى دماغك
دخل يوسف فجاة الى مكتب نور:ايه ده هو انتى ليكى عين تيجى هنا تانى
نور:نعم مين اللى مفروض يسمع الكلام ده
يوسف:ههههه
انتى طبعا بعد فضيحتك اللى بقت بجلاجل اودام الناس كلها
نظرت الى تقى وروفيدة وهى لاتفهم شئ من حديث يوسف وماذا يعنى
تقى:يوسف اتلم بقى عيب عليك
يوسف:عيب على مين عليا ولا على الهانم اللى عاملة نفسها خضرة الشريفة وهى كانت فى ح*ضن الباشا بتاعكم
صرخت نور فى وجهه:انت بتقول ايه
امسك يوسف هاتفه واعطاه لنور لترى صورها مع ادهم فى مكتبه فى اوضاع غريبة لم تحدث منها ابدا
صفعته على وجهه وهى تصرخ به:ياكذاب ياحيوان انت انت اللى عملت كده الصور دى كذب كذب
يوسف بكل برود :اثبتى
امسكت به وظلت تض*رب فى وجهه وتصرخ:انت كلب حيوان معندكش شرف ولا ضمير
يوسف:عشان بس تعرفى انا مينفعش اترفض يانور
علت اصواتهم حتى سمعها ادهم الذى كان يجلس فى مكتبه شاردا نادا على هدى ليعرف سبب الصوت العالى بالخارج
ادهم:ايه ياهدى ى ايه
هدى بارتباك:دى نور ويوسف يافندم
ادهم:نعم وصوتهم عالى ليه فى ايه
هدى:اصل
ادهم:اصل ايه انطقى امسكت هاتفها وناولته لادهم ليرى صوره مع نور لم يصدق عينيه فيما يرى امامه
ادهم:الصور دى كذب كذب
هدى:المصيبة انه بعتها للشركة كلها ونور منهارة بره وحالتها صعبة اوى
فتح درج مكتبه واخرج
مسدسه وخرج وكل غضب الدنيا به
دخل مكتب نور وجدها تبكى بحــ,,ـــــرقة ويوسف امامها يضحك وحولهم كل العاملين بالشركة يشاهدون ما يجرى الا انه عندما دخل ادهم المكتب نظر اليه يوسف بشماتة
اهلا اهلا بالباشا تصدق انت طلعت راجل بجد اما تخلى نور تخضعلك وتعمل كده
توتو تو بس مش عيب كده طيب خلوها فى شقة ولا حاجة
لكمه ادهم بكل غضب الدنيا والصقه بالحائط وظل يضض*رب فيه بكل قوته ويوسف يحاول تخليص نفسه ولكنه لم يستطيع وفجاة اخرج ادهم مسدسه من جيبه وهو يمسك براس يوسف
ادهم:انطق يا كلب الصور دى حقيقى ولالا
لم
يتحدث يوسف امامهم وعينه تراقب الجميع اقترب اكرم من ادهم
ادهم بلاش تودى روحك فى داهية
ادهم:والله العظيم اق*له ودلوقتى لو منطقش وقال صورهم ازاى
انطق انطق
يوسف بخوف:امبارح
ادهم:امتى انطق
يوسف :شوفتها عندك والباب كان مفتوح صورتكم
ادهم:اه بالمناظر دى ولا لا
يوسف بخوف:فيهم وفيهم
شد ادهم زناد مسدسه:يعنى لو ق*لتك دلوقتى مش هاخد فيك يوم واحد عارف ليه لانك اتعديت على شرفى
يوسف:اه بس انت لمستها مسكت ايديها
نظر ادهم الى نور المنهارة والجميع حولهم :وفيها ايه مش مراتى
صدمة سيطرت على الجميع وهم ينظرون الى انفسهم
لا يصدقون ما قاله ادهم
نظرت اليه نور غير مصدقة ما قاله
يوسف:امتى ده
ادهم من مدة كتبنا كتابنا يعنى مراتى ومش لازم انتوا تعرفوا دى حاجة خاصة بينا ومش كلب زيك اللى يجيب سيرة مراتى واسكتله
ثم شده من قميصه :لو شفت وشك هنا تانى او فى اى مكان تانى اروحه هقلتلك يايوسف سمعتنى هق**لك
جلست نور على مكتبها وسط اصدقاءها وزملاها تبكى
نظر اليها ادهم ثم قال للجميع:كل يتفضل يمشى وياريت الصور دى تتمسح لانكم عرفتوا دلوقتى انها مش حقيقة وعرفتوا ان نور تخصنى
خرج الجميع من المكتب وجلس ادهم امام نور
نور خلاص كفاية كده حرام عليكى نفسك
رفعت راسها اليه:تفتكر كده خلاص
ادهم:محدش له حاجة عندنا يانور صدقينى خلاص
قامت من مكتبها وحملت حقيبتها وحاولت الوقوف لكنها سقطت فجاة مغشيا عليها
التف حولها ادهم وتقى وروفيدةيحاولون ايقافها الى انا افاقت واصرت على العودة لمنزلها
ادهم:طيب اوصلك
نور:لا متشكرة انا همشى لوحدى
تقى:نور انتى تعبانة طيب هناخد تاكسى وبلاش العربية انا مش بعرف اسوق
نور باستسلام:ماشى عن اذنكم
ذهبت هى وتقى الى بيتها حاولت تقى ان تتحدث معها فيما قاله ادهم ولكنها فضلت السكوت
وصلت نور لمنزلها مع تقى وجدت والدها غاضبا ومعه والدتها تحاول تهدئته
ماان دخلت نور البيت حتى صفعها والدها على وجهها وامسكها من حجابها
هى دى تربيتى ليكى يانور كده يانور تحطى راسى فى التراب
امل:بس يافكرى اكيد الصوردى كذب
تقى:ايوه والله ياعمو كلهم كذب
فكرى:اه فاكرنى عبيط بتضحكوا عليا
نور ببكاء شديد:والله يابابا كذب محصلش محصلش
تقى :والله ياعمو يوسف عمل كده انتقام من نورعشان رفضت تتجوزه
فكرى:واشمعنى ادهم مفيش غيره قولتلك ابعدى عن ادهم ابعدى عنه ملقتيش غيره وتقربى منه حرام عليكى كــ,,ـــــسرتينى ليه
نور ببكاء شديد وبصوت ضعيف:والله يابابا
مفيش بينه وبينى حاجة غير شغل وبس
وسقطت مغشيا عليها للمرة الثانية وسط صراخ امها وتقى
حضر الطبيب وبعد الكشف عليها اخبرهم بانها بحالة انهيار عصبى شديد وتحتاج للراحة التامة
اخبرت تقى ادهم بما حدث الذى ماان علم بما حدث قرر الذهاب الى فكرى يعلمه بكل شئ وماان وصل الى بيتها ظل واقفا امام الباب مترددا ولكنه دق بابهم وفتح له فكرى الذى ماان راه حتى اشتعل غضبه مرة اخرى
ادهم:انا جاى افهم حضرتك كل حاجة
فكرى:تفهمنى ايه تفهمنى انك لوثت شرف بنتى وسمعتها اللى بقت على كل لسان انت جاى ليه مين بعتك مش كفاية
سنين وانا بعيد عنكم عايزين ايه منى ومن ولادى
ادهم:انا مش فاهم حضرتك تقصد ايه
فكرى:لا انت فاهم كويس بلاش استعباط روح للست الوالدة وقلها فكرى بيقولك ابعدى عنه هو خلاص مش عايزكم سمعتنى مش عايز حد
ادهم بحيرة:والله انا مش فاهم حضرتك تقصد ايه
فكرى:اه لو مش فاهم روح للست والدتك هتفمك كل حاجة واتفضل من هنا ودلوقتى
خرج ادهم حائرا لا يفهم شئيا من حديث فكرى وقرر سوال امه التى ماان سمعت اسم فكرى حتى تغيرت ملامحها
دخل بيته لم يجد غير اياد شقيقه الاصغر:اياد ماما فين
اياد:طيب سلامو عليكم
ادهم
بغضب:رد عليا هى فين
اياد:فى الاوضة هو فى ايه
دخل غرفة والدته بعدما اذنت له وجدته غاضبا ووجهه يتصبب عرقا
خديجة”فى ايه ياادهم مالك
ادهم:ردى عليا ياماما تعرفى فكرى مختار منين
خديجة بارتباك:ايه بتسال ليه
ادهم:ردى عليا ابوس ايدك تعرفيه منين
خديجة بعيون دامعة:ادهم ابعد عنى دلوقتى
ادهم:لا مش هخرج غير لمااعرف يبقى مين
اتاه صوت والده من خلفه:يبقى خالك ياادهم رواية قلب لا يعرف الحب. بقلم شيماء نعمان. الحلقة العاشرة
ميراث قديم وقف ادهم بينهم يحاول استيعاب ما قاله والده
ادهم:خال مين انت بتهزر يابابا
فخر:لا ياادهم مش بهزر ثم نظر الى خديجة التى مازالت تبكى:قوليله ياخديجة احكيله خلى ابنك يستريح
خديجة:هقولك على كل حاجة
زمان ابويا اللى يرحمه اتجوز ام فكرى وخلف منها فكرى بس بعد مدة تعبت بمرض خطير واتوفت وبعدها اتجوز امى وخلفنى انا وخالك خالد كانت الله يرحمها بتكره فكرى من غير سبب وعينا على الدنيا وهى بتاذيه وخلتنا احنا كمان نكرهه بس انا مكنتش قادرة اكره كنت بحبه اوى كان بالنسبة ليا كل حاجة الاخ والاب وكل حاجة فضلت تاذيه وتتعبه فى حياته وتقوى
ابويا عليه بس هو مكنش بيصدق كلامهاحاولت تخليه ميكملش دراسته بس هو صمم وقدر يكمل ويبقى مدرس شاطر وبعد كده اتجوز امل مراته دى بس خالد كان بيكرهه كان بيسمع كلام امى قبل جدك مايمو*ت قدرت هى وخالد يخلو اجدك وهو نايم فى السرير فى ايامه الاخيرة يكتب نتازل عن كل فلوسه باسم خالد عشان فكرى مايورثش حاجة وبعد جدك مامات طالب فكرى بحقه خالد قاله ملكش حق عندى كل حاجة باسمى انا اشتريت من ابوك طبعا فكرى ثار عليه وكانت مشاكل كتير وقضايا بس الطب الشرعى اكد انا الامضاء صحيحة
ساعتها خالد اقنعنى ان فكرى حرامى وملوش حاجة عندنا
وانه اخد حقه من زمان بس عايز يقاسمنا فى حقناوفعلا اقتنعت ا فكرى خد حقه وانه عايز ياخد حقى ساعتها كنت مخلفاك انت ورودينا منساش دعوته وهوبيقولى حاسبى الله ونعم الوكيل فيكم كلكم ســ,,ـــــرقتوا حق اليتيم هيبقى عليكم نــ,,ـــــار وبكره تشوفوا
اكمل فخر الدين:بعدها خالك خالد طبعا اخد كل الفلوس طمع فيها واخد حق امك وجدتك اللى ماتت بقهرها على ابنها وعمايله بس ساعتها قالت
ده ذنب فكرى افترينا عليه وربنا خد حقه مننا
خديجة:دورنا عليه فى كل حتة معرفناش مكانه كان نفسى اترمى فى ح*ضنه واقوله حقك عليا ياخويا بس مفيش فايدة وسنين عدت وانت اتسجــ,,ـــــنت ظلــ,,ـــــمساعتها
حسيت ا ده عقاب من ربنا بسبب فكرى وجاى دلوقتى يبان اودامنا لا ونور تبقى بنته يعنى نور شوفتها اودامى ومعرفش انها بنت اخويا من دمى ولحمى
ادهم:اه عشان كده قالى روح للست الوالدة واسالها
خديجة:ادهم عايزة اشوفه وحشنى اوى ياادهم
ادهم:خايف بعد ده كله يبقى اللى حصل زمان يبقى هو الحاجز بيبنى وبين نور
خديجة:ودينى بس هناك وربنا يعدلها
فخر:بلاش ياخديجة انتى سمعتى كلام ادهم يعنى ممكن يطردك ولا حاجة
خديجة باصرار:لا يافخر هروح واللى يحصل يحصل
اليوم التالى ذهبت خديجة بصبحة ادهم الى منزل نور وقف امام البيت بسيارته
ادهم:هو ده
البيت اطلعى ياامى وانا هستناكى
خديجة:مش هتطلع معايا
ادهم:لا كفاية اللى حصل بسببى لحد دلوقتى لو حصل حاجة رنى عليا وانا اطلعك على طول
خديجة:طيب يابنى براحتك صعدت خديجة الى المنزل وقفت امام الباب مترددة ولكنها استجمعت قواها ودقت الباب حتى فتحت لها مريم:اهلا وسهلا حضرتك عايزة مين
خديجة:عايز فكرى مختار هو ده بيته
مريم:ايوه ثوانى …….
بابا يابابا كلم حد عايزك
فكرى:مين يامريم
مريم:مش عارفة واحدة ست
ذهب فكرى ليرى القادم تسمر امامه عندما راها سنوات مرت كثيرا على اخر مقابلة بينهم وها هو الشعر الابيض كسا شعر فكرى وهاهى تجاعيد الوجه سيطرت على وجه خديجة
فكرى:افندم خير
خديجة:وحشتنى يافكرى ما وحشتكش
نظر اليها مطولا ثم ما لبث ان اخدها فى احضانه واخذا يبكان على فراق سنوات مرت ابتعد فيها الاشقاء عن بعضهم بسبب المال
ظلت مريم تنظر اليهم بحيرة ثم خرجت امل من المطبخ :ايه يامريم فى ايه
نظرت الى خديجة وهى تحاول تذكر وجهها :خديجة انتى خديجة
خديجة ببكاء:ايوه ياامل انا
قابلتها امل باحضان اشتياق لهافقد كانتا اصدقاء قبل زواجها من فكرى
امل:معقول بعد السنين دى كلها ياخديجة
فكرى:مش وقته ادخلوا نتكلم جوه
جلسوا جميعا فى جلسة عائلية لم يعرفوا طعمها منذ زمن طويل
خديجة:فكرى صدقنى والله ادهم مكنش يعرف ان نور بنتك وعمره ما عرف انها بنت خاله واللى حصل ده ملوش ذنب فيه ابدا والله
فكرى:بعد ايه ياخديجة بعد ما سيرتها قت على كل لسان وبالذات انه قال اودام الناس انها مراته
خديجة:ادهم حكالى كل حاجة هو عمل كده عشان يحميها من الكلام اللى الزفت ده قاله عليهم ويعلم
ربنا انه كذب وافترى
فكرى:الناس متعرفش كده ياخديجة الناس ليه الظاهر وبس
خديجة:انا عندى الحل
امل:ايه هو
خديجة:يتجوزوا بجد وادام الناس كلها
فكرى:انتى بتقولى ايه ياخديجة جواز ايه
خديجة:زى ما بقولك ادهم عايز يتجوز نور من زمان ويقوم ماكانت عنده فى المكتب كان بيطلب ايدها بس هى رفضت معرفش ليه عشان كده بقولك يتجوزوا ويبقى محدش ليه كلمة عليهم مراته اودام الناس وساعتها اى حد عنده كلمة يلمها
فكرى بتفكير:بس معتقدش نور هتوافق
خديجة:ليه يافكرى ادهم ابنى والله بيحبها ونفسه من زمان يتجوزها يبقى ترفضه ليه
فكرى:مش عارف ياخديجة مش عارف ثم
نور تعبانة اوى من ساعة الموضوع ده وعندها حالة انهيار عصبى يعنى ممكن الموضوع ده يتعبها اكتر
خديجة:طيب ينفع اشوفها واتكلم معاها
امل :حاضر هصحيها
دخلت امل غرفة نور وجدتها جالسة على السرير شادرة تنظر الى نافذة غرفتها وهى تبكى بصمت
امل:نور… يانور