نور:ايوه ياماما خير
امل عمتك بره وعايزكى
نور بصدمة:عمتى عمتى مين
امل :هتعرفى بس قومى اغسلى وشك ده وغيرى هدومك
قامت باستسلام فعلت ما طلبته امها وخرجت اليهم ماان رات خديجة حتى اندهشت واخذت تنظر لهم جميعا بدهشة عارمة
فكرى:تعالى يانور تعالى واشار الى خديجة:دى عمتك خديجة واختى
نور:نعم عمتى ازاى واخت مين دى مامة …….
خديجة:ادهم مش كده….. ادهم يبقى ابن عمتك
نور:ازاى انتوا بتهزروا
فكرى:لا مش هزار اقعدى مع عمتك وهى هتحكيلك كل حاجة
تركوهم سويا يتحدثون قصت عليها خديجة كل شئ من البداية حتى هذه اللحظة
خديجة:نور بعد اللى قلته ده عايزاكى عرفى ان ادهم عايزك شاريكى يانور وعايز يتجوزك
نور:وانا مش هقدر اتجوزه لمجرد انه قال اودام الناس انى مراته ويبقى ده تصحيح غلط ياطنط
خديجة:بلاش طنط دى قولى عمتو انا اتحرمت منها يانور
نور:ازاى مش حضرتك قلتى ان ليا عم اسمه خالد وعنده اولاد
خديجة:ايوه بس معرفش عنهم حاجة ما يوم ماحصل اللى حصل وهو قطعــ,,ـــــنى وانا خلاص مش عايزة منه حاجة كفاية فكرى وانتوا عليا …… قلتى ايه
نور:انا اسفة ياعمتو مش هقدر اتجوز كده
خديجة:دماغك ناشفة زى ابوكى طيب استنى هتصل بادهم يجى يتكلم معاكى
نور بسرعة:يجى فين
خديجة:ادهم تحت من بدرى خاف يطلع ابوكى يعمل فيه حاجة
نور:طيب ثوانى هلبس حاجة واجى
اتصلت خديجة بادهم الذى صعد بداخله خوف من لقاء خاله بعدما علم بكل شئ
قابله فكرى عند الباب:اهلا ازيك ياابن اختى
ادهم بارتباك:والله ماكنت اعرف والله
فكرى:واديك عرفت هتعمل ايه
القى ادهم بنفسه فى حض*ن فكرى:بصراحة كان نفسى يبقى ليا خال حلو كده
فكرى:اه يابكاش ادخل تعالى
دخل ادهم الصالون وجلس معهم جميعا وهوينظر بعينه باحثا عنها
خديجة:عينك هتتطلع استنى هتيجى
دلوقتى
ادهم:احم احم عمرك قفشانى
دخلت نور اليهم وجدت ادهم يجلس معهم الذى ماان راها حتى وقف امامها
ازيك يانور
نور:الحمد لله
خديجة:طيب نسيبوهم شوية يافكرى ولا ايه
فكرى:ماشى بس من بعيد لبعيد سامع
ادهم:علم وينفذ
جلس ادهم مع نور لايصدق نفسه انها امامه وانها ابنة خاله
ادهم:نور انا فرحان اوى ياانور معقول طلعنا قرايب
نور:الدنيا دى مليانة حاجات بتحصل عمرنا ماكنا نتخيلها
ادهم:طيب قولتى ايه فى طلبى ياانور ولتانى مرة بقولك عايز اتجوزك
نور:انا مش موافقة ياادهم
ادهم:طيب ممكن اعرف السبب وصدقينى يانور لو بتحبى حد تانى انا هخرج من حياتك وللابد
نور:حد تانى ايه ادهم افهمنى صعب اوى اتجوزك كده بسرعة ثم بقى علاقاتك كتير وانا مش بيعجبنى كده
نظر اليها بخبــ,,ـــــث:لتكون دى غيرة ولا حاجة\
نور:لالا انت فعلا مغرور
ادهم:وانتى عنيدة ودماغك نشفة بس برضه
عايزك طيب انا عندى اقتراح هتوافقى عليه
نور:لو عجبنى
ابتسم ادهم واكمل:شوفى ياستى ايه رايك لو نتجوز شهرين تلاتة بس نفضل زى مااحنا فى حكم المخطوبين نشوف هنستريح مع بعض ولا ايه
نور:ايه ده ازاى يعنى وطبعا اتحسبت عليا جوازة لا طبعا مش موافقة
ادهم:انا غلبت معاكى ايه اللى يريحك وانا اعمله بس خدى بالك احنا اودام الناس متجوزين يعنى مفيش حلول تانية
نور:ده لو دراع بقى
ادهم:لا طبعا بس بعرفك الوضع اودامك عامل ازاى
نور:وانا مش موافقة عن اذنك
خرجت من الغرفة وتركته حائرا معها لايعرف كيف يتصرف لترضى بالزواج به
دخلت عليه خديجة وفكرى وامل دخلت الى غرفة نور
خديجة:ايه اللى حصل ياادهم
ادهم:مش عارف ياامى انا تعبت معاها مش راضية باى حل يرضى جميع الاطراف
فكرى:سيبها ياادهم وانا هعرف ازاى اقنعها
ادهم:تفتكر ياعمو
فكرى:انا خالك مش عمك ياواد قلتلك سيبها وانا هعرف ازاى اقنعها
خرجت خديجة وادهم من المنزل وانطلق بسيارته الى منزلهم
ادهم:ماما ممكن اطلب مك طلب
خديجة:خير ياحبيبى
ادهم:بلاش تجيبى سيرة اللى حصل لنور فى الشركة اودام حد من البيت اخواتى وبابا يعنى
خديجة:ايه ياادهم لا طبعا مقدرش اقول حاجة زى كده بس ليه
ادهم:مش يمكن لو
حصل نصيب واتجوزنا هتبقى اودامهم مش عايز حد ساعتها يقول عليها كلمة تجـ,ـرحها
نظرت اليها طويلا:اد كده بتحبها ياادهم
ادهم:بصراحة اوى بس اللى وجعنى رفضها ليا مجننى ومخلينى مش فاهم رفضانىى ليه مع انها بتقول مفيش حد فى حياتها
خديجة:يبقى سيبها على ربنا وفكرى باذن الله هيقدر يقنعها متخافش
ادهم:يارب ياامى يارب
دخل فكرى غرفة نور التى كانت تجلس شاردة تفكر فى وضعها وحديث ادهم
فكرى:الجميل سرحان كده ليه
نور:ها لاابدا يابابا مفيش اتفضل
فكرى:ور انتى عارفنى دوغرى ومليش فى اللف والدوران وانتى اكتر واحدة فى اخواتك اخدتى طبعى
نور خبــ,,ـــــث:بدون مقدمات
ياحاج فكرى
فكرى:رفضتى ادهم ليه
نور:بابا افهمنى ادهم شاب ممتاز جدا ومقدرش انكر انى موافقة عليه مبدائيا بس علاقاته الكتير بالبنات بتخلينى اخاف \
انه بعد الجواز يفضل طبعه زى ماهو ساعتها هعمل ايه
فكرى:طيب لو مقولتيش لادهم كده
نور:قلتله قالى انا مليش علاقات فى الحرام وعلاقتى بسبب بكره هتعرفيه وكلام مش مفهموم
تنهد فكرى:بصى يانور عمتك حكتلى على كل حاجة عن ادهم
ادهم ياانور كان زمان شاب ممتاز مهندس بطل كونوفو راجل اى بنت تتمناه كان بيشتغل فى شركة كبيرة بتاعت مقاولات وهناك اتعرف على واحدة حبها جدا وكتب كتابه عليها وكان فرحان
اوى بجوازهم بس البنت دى كانت طماعة صاحب الشركة لف عليها واقنعها ان ادهم على اده ومش هيعملها اللى هى عوزاه وكلام كتير وعشان يخلصوا من ادهم لفقوا قضية ســ,,ـــــرقة حديد من شركته وهى راحتله السجــ,,ـــــن وساومته لو عايز يخرج يطلقها طبعا ادهم كان تعبان فى الفترة دى ومكنش مصدق اللى بيحصله فضل اكتر من ست شهور مسجون لحد ماطلقها وبعد كده عرف انهم هيتجوزوا راحلو مكتبه وض*ربه طبعا االراجل مسكتش بعتله رجالته ضر*بوه وكــ,,ـــــسروا رجله وفضل عاجز كده لحد تقريبا مااعمل عملية مش كده
نوربحيرة:ايوه فعلا هو عملها من مدة يوم ماروحت انا وزميلائى عنده البيت وشوفت عمتى اول
مرة هناك
امسك يدها يطمئنها:نور صدقينى ادهم عايزك عشانك انتى ثم يابنتى بعد اللى حصل فى الشركة مينفعش متتجوزوش هتبقى مشكلة واللى يسوى واللى ميساوش هيجيب سيرتك ياانور يبقى ليه ياحبيبتى
نور بعد تفكير:انا موافقة يابابا بس اقعد مع ادهم اولا واقوله شروطى الحلقة الحادية عشر فرحة قادمة
اتصل فكرى بخديجة واخبرها بموافقة نور المبدئية ولكن بشروط تتفق مع ادهم عليها وماان اخبرت خديجة ادهم حتى عادت اليه ضحكته مرة اخرى
ادهم:بجد ياماما وافقت
خديجة:اه والله ياحبيبى بس ليها شروط
ادهم:موافق عليها من غير مااعرفها
ضحكت خديجة بشدة:ايه يابنى كده نور هتسيطر من دلوقتى ولا ايه
ادهم:لالا عيب عليكى ياحجة ابنك راجل برضه ومفيش واحدة مهما كانت تسيطر عليا
خديجة:حبيبى ربنا يهنيئك يارب ويسعدك بس انت هتعمل فرحك على طول و لاهتستنى
ادهم:اعرف شروط نور وبعدين اقولك ياامى
ذهب ادهم الى بيت خاله يحمل معه الورد لنور ويحاول استيعاب شروطها الذى
احس انه يعرفها مسبقا
فكرى:اهلا اهلا ياابن اختى
ادهم:اهلاياخالو ازيك ياراجل وحشنى من زمان مشفوتكش
فكرى:انت هتشتغلنى ولا ايه يا استاذ اقعد هنا اقعد
جلس ادهم مع فكرى يتسامرون قليلا حتى تحضر نور
ادهم:الا قولى ياخالو ياحلو انت متعرفش شروط نور ايه
فكرى:والله ياادهم مش عارف مرضتش تقولى حاجة قالتى بينى وبين ادهم
ادهم:اه ربنا يستر
بعد قليل دخلت عليهم نور تحمل العصير وماان راها حتى وقف امامها ونسى تماما وجود خاله
كانت ترتدى فستان جميل بالوان زاهية زادتها جمالا واشراقا
ادهم:ازيك ياانور
نور بخجل :الحمد لله اتفضل
فكرى:انت
يااستاذ متنح كده ليه انا موجود على فكرة
ادهم:حبيبى ياابو نسب ياخالى ياحلو انت
فكرى:اه انت شكلك كده اونطجى وهتتعبنى معاك اما اقوم اشوف الماتش
ادهم:ايوه وياريت تتابع تحليل الماتش
فكرى:انت ياولا انت فكرنى عبيط ولا ايه انا خارج بمزاجى وباب الاوضة هيفضل مفتوح اودامى حركة كده ولا كده هرميك من الشباك وملكش دية
ادهم:لالا انت كده خطر متخافش ياسيدى افتح الباب والشباك وتعالى وهات الجيران كمان مفيش مشاكل
فكرى:ماشى ماشى انا خارج اهو
جلست نور مع ادهم مرتبكة تشعر بشئ غريب لاول مرة وعينا ادهم لاتفارقها
ادهم:ها هتفضلى ساكتة كده
نور:اقول ايه
ادهم:يعنى وحشتنى فينك من زمان كده يعنى
نور:ايه ده لا طبعا
ادهم:ماشى ياستى اقول انا….. وحشتينى اوى
نور:ادهم بلاش كده
ادهم:بس انا عايز كده عايزك تحسى بيا وتعرفى انى ….. بحبك اوى يانور ونفسى احس ان انتى كمان بتحبيبنى
نور:ادهم خلى الايام هى اللى تثبت ولازم تعرف شروطى يمكن متوافقش عليها
ادهم:موافق من قبل مااعرفها وراضى بيها مع انى حاسس انى عارف واحد
نور:ايه هو؟
ادهم:قولى انتى الاول
احمر وجهها قبل ان تتحدث:انت فاكر يوم ماجيت هنا وعرضت عليا الجواز اقترحت اقتراح فاكره
ابتسم ادهم وتاكد من تخمينه ولكنه احب ان يرى خجل وجهها :لا بصراحة مش فاكر
نور:ادهم انت فاكر كويس
ضحك ادهم بشدة:طيب ومالك مكسوفة كده ليه طبعا فاكر يوم ما قلتلك هنفضل زى المخطوبين
نور:ايوه
ادهم:من غير ماادخل فى تفاصيل بسبب الطماطمية اللى اودامى موافق يانور
نور:يعنى موافق بجد
ادهم:طبعا موافق انا عايزك انتى تبقى معايا فى بيت واحد اشوفك اودامى باستمرار ده كل اللى انا بتمناه وصدقينى عمرى ما هغصبك على حاجة انتى مش
عاوزها غير لما تتاكدى انك بتحبيى وعايزانى يانور بس شرطك التانى ايه
كانت تسمع حديثه وهى حالمة لاتصدق انه يريدها هى فقط حتى لو لم يحدث بينهم شئ
ادهم:هاى نور روحتى فين
نور بارتباك :لا معاك شرطى التانى ان افضل اشتغل ومتخلنيش اسيب الشغل
فكر ادهم قليلا:طيب يانور بس ما احنا هنتجوز وانا هبقى ملزم اصرف عليكى يبقى ليه الشغل ووقفتك وسط الرجالة
ضحكت نور:ادهم انت عرفتنى وانا بشتغل وواقفة فى وسط رجالة عمرك شوفت منى تصرف غلط
ابتسم لها:بصراحة ابدا انتى تتحطى فى وسط مليون راجل ومخافش عليكى
نور:بقى كده يعنى مش بتخاف
عليا اهو
رد ادهم بسرعة:لالا بتقولى ايه ده انا ام*وت لوحد يقربلك متعرفيش بخاف عليكى ازاى وانتى بعيد عنى ولا يوم ما وقعتى كنت حاسس انى هتشل مش عارف اتحرك من مكانى
نور:بعد الشر عليك
ادهم:ايه ده ايه ده احنا بنخاف بقى ولا ايه ولا بنحب ولا ايه
نور:ادهم كل اللى عايزة اقولك عليه انى موافقة عليك وبقى مبسوطة وانا وياك اه ساعات كتير زعلت منك بس بعد كده برجع تانى وبنسى اى حاجة
ادهم:وانا مش عايز غيركده عايزك معايا تحسى بيا تعرفى انا بحبك اد ايه حتى لو مسمعتش منك كلمة بحبك راضى وموافق بس
تبقى ليا فى يوم من الايام يانور
نور:طيب ممكن اسالك سوال
ادهم:امرينى حبيبتى
نور:جيلان وجودها معاك سببه ايه انت قلت قبل كده انها صداقة بس انا شايفة غير كده
ادهم:احنا هنغير ولا ايه
نور:حقى اعرف كل حاجة عن علاقتك بيها
عاد براسه للخلف كانه يتذكر اشياء كثيرة
ادهم:نور ممكن اوقف فى البلكونة شوية عايز اشرب سيجارة واتكلم معاكى فى حاجات كتير
نور:ماشى مع انى نفسى تبطل سجاير
ادهم:ايدى على كتفك
نور:طيب ادخل هنا اما اعملك حاجة تشربها
امسك بكفها وحاول تقبيله الا انها جذبته بسرعة وخرجت سريعا وهو يضحك عليها
بعد قليل حضرت ومعها كوبان من الشاى وبعض قطع الكيك وجلست معه فى الشرفة
نور:ممكن بقى تشرب الشاى وتاكل الكيكة دى
تناول ادهم الكيكة وتذوقها :اممم جميلة اوى مامتك نفسها حلو اوى
نور:لا دى مش ماما دى عمايلى انا
ادهم:لالا وست بيت كمان ياسعدك ياهنائك ياادهم
ضحكت نور بشدة:خلاص بقى قولى كنت عايز تقولى ايه
ادهم:نور انا كنت متجوز قبل كده
نور:عارفة انك كنت خاطب وكاتب كتابك ولا فى حاجة تانية
ادهم:اوباااا هى الحاجة سيحتلى ولا ايه
نور:هههههه حاجة زى كده
ادهم بجدية:وعرفتى انا طلقتها ازاى
نور:ايوه بس انت لسه بتحبها
ادهم:ههههه احبها احب مين يا نور انا فى حياتى ما كرهت حد زيها
دى دمرت حياتى عارفة يعنى ايه واحد فى عز شبابه يبقى عاجز برجله اترمى فى الشارع اربع ساعات بنزف ومش لاقى حد يسعفنى لما تبعنى بالرخيص عشان الفلوس يبقى احبها ازاى يا نور …… انا حالف لادمرهم واقضى عليهم زى ما عملوا فيا
نور:ايوه بس ده ايه علاقته بجيلان
ادهم:الراجل اللى خطيبتى نانسى اسمها كده على فكرة اسمه مروان الشناوى
جيلان تبقى اخته بس من الاب مش من الام
نور:يعنى انت بتنتقم منه فى اخته لا ياادهم كده لا
ادهم:عارف وعشان كده بعدت عنها وبحاول كتير ابعدها لانى شوفت انها حاجة رخيصة اوى لو عملت كده
ثم نظر الى عينيها مباشرة:وبصراحة اخاف عليكى حد يحاول ياذيكى بسببى ساعتها مش عارف ممكن اعمل ايه
ارتبكت قليلا:طيب قولى انت هتقولهم على شروطى
ادهم:الشرط التانى بس اما الاولانى دى حاجة تخصنا احنا محدش له حاجة عندنا ان شاء الله سنة المهم فى الاخر تكونى ليا انا وبس
نور:بصراحة خفت ترفض
ادهم:اد كده بتحبينى لالا مش قادر اصدق معقول انا عارف سحرى لا يقاوم
نور:ههههه مش قلتلك مغرور
وقفا سويا يتناولون الشاى ويضحكون حتى لاحظ ادهم وجود شخص ينظر اليهم دقق نظره جيدا وجده يوسف يقف فى الشارع بجوار سيارته ويراقبهم
ادهم:هى حصلت
نور:فى ايه
ادهم:يوسف الزفت واقف تحت اهوو
خرج من الشرفة الى الغرفة امسكت به نور:ادهم بلاش عشان خاطرى بلاش تنزل
ادهم بجدية:نور استنى هنا سمعانى اوعى تخرجى البلكونة
خرج وتركها وهى تنادى عليه دخل والدها :فى ايه يانور
نور:ادهم يابابا هيضر*ب يوسف تحت
جرى فكرى سريعا خلف ادهم راه يمسك بيوسف بعصبية شديدة
ادهم:هو انا مش قلتلك لو شفتك فى اى حتة هق*لك
يوسف :انا حر
واقف فى الشارع انت مالك هو ايه اشتريته
لكمه ادهم فى وجهه:انت ايه حيوان معندكش دم ولا كرامة اعمل فيك ايه
يوسف:ايه ده زعلان اوى كده ليه بس تصدق عندك حق تستاهل
ورفع عينه ليرى نور واقفة مع مريم وامل
ادهم:متجبش سيرتها على لسانك سمعنى
امسك به فكرى ومازن الذى حضر متاخرا
فكرى:خلاص ياادهم خلاص وانت يايوسف كنت فاكرك انسان محترم طلعت انسان معدوم الضمير
ادهم:انسان ايه بس سيبنى عليه اق*له
مازن:امشى بقى من هنا مش عايزين مشاكل بدل والله اعلم عليك وانت حر
فكرى:خلاص بقى كفاية الناس اتفرجت علينا اطلعوا يلا
صعدوا جميعا وتركوه دخل ادهم مع فكرى ومازن الى البيت
امل:ده حيوان جاى هنا ليه مش عارفة
ادهم:جاى يثبتلى ان كلامى ماثرش معاه
مازن:كنتوا سيبونى عليه الم العيال واضر*به علقة تخليه يقول حقى برقبتى
فكرى:خلاص بقى الحكاية مش ناقصة تسخين انزل يلا هات العشا عشان تعشى
ادهم:لالا ملوش لزوم انا همشى
امل :والله ابدا لازم تتعشى معانا ولا ايه يانور
كانت صامتة بعيون دامعة حتى افاقت من شرودها على صوت امها
ها ايوه ياماما لازم طبعا
فكرى:طيب ادخل لغير هدومى وانت ياادهم هدى شوية بلاش عصيبتك دى
ادهم:حاضر بس بعد اذنك
عايز نور شوية
فكرى:اخل يلا استنانى جوه وانا جاى اهو
دخل ادهم ونور الى غرفة الصالون مرة اخرى
ادهم:هو انا مش قلت متخرجيش خرجتى ليه
نور:غصب عنى مقدرتش اقف كده كنت خايفة اوى
امسك بكفها وجدها ترتعش ود لو ضمها اليه ولكن الكثير يمنعه
ادهم:نور عشان خاطرى مش عايزك تخافى وانا معاكى انا هفضل امانك وحمايتك واى حد اى حد يحاول بس يقرب منك هيبقى اخر يوم فى عمره
نور:مش عارفة ايه اللى بيحصل ده مش عارفة
ادهم:سيبك من اى حاجة بس احنا لازم نتجوز وفورا
نور:ايه لالا مينفعش
ادهم:ليه يانور
مش اتفقنا على كل حاجة خلاص
نور:ايوه بس ايه فورا دى
ادهم:حبيبتى:خايف عليكى مش عايز حاجة تمسك ومش هبقى مطمن وانتى بعيدة عنى انا هكلم خالى ونحدد الفرح بعد اسبوعين
نور:لالا مش هينفع حاجات كتير نقصانى
ضحك ادهم:خلاص ياستى ولا يهمك شهر كويس
نور:اسال بابا عن اذنك
خرجت نور قابلها فكرى:فى ايه يانور
نور:لا يابابا هشوف ماما بتعمل ايه
فكرى:طيب يلا حضروا العشا بسرعة الواحد جاع
نور:حاضر من عونيا ياحاج
فكرى:اي ياابن اختى بتفكر فى ايه
ادهم:بصراحة عايز اتجوز
فكرى:مستعجل اوى اصبر شوية
ادهم:ليه بس ياخالو شهر حلو
اوى
فكرى:شهر ازاى لالا قليل اوى ياادهم
ادهم:ياخالى الشقة عندى جاهزة من كله يعنى عايزها بشنطة هدومها وبس
فكرى:انت شايف خالك قليل اوى كده فى نظرك
ادهم:لالاياخالى انا اسف والله مقصدش حاجة ان اقصد ان شقتى جاهزة مش ناقصها غير نور واى حاجة انت تتطلبها انا تحت امرك
فكرى:خلاص اشوف امل ونشوف ممكن نخلص اللى ورانا امتى
ادهم:اه بس سريع سريع مش شهرين تلاتة
فكرى:ههههه ملشى ياسيدى
ادهم:ايه رايك نكتب الكتاب عشان محدش يتكلم ونبقى فعلا متجوزين بجد
فكرى:امم ماشى يناسبك امتى
ادهم:ايه رايك يوم الجمعة
فكرى:ايه ده بعد بكره
ادهم:ايوه ياخالى خير البر عاجله ايه رايك
فكرى:ماشى خلاص بس مش تقول لابوك ونتفق على كل حاجة ولاايه
ادهم:بكره باذن الله هنكون عندك كلنا انا اتفقت معاهم لو واقفت اجيبهم واجى
دخلت نور :يلا الاكل جاهز
فكرى:تعالى يانور شوفى ادهم مصمم انكم تتجوزوا الاسبوع ده
نور:ايه بسرعة كده ازاى
ادهم:ده كتب كتاب بس والفرح بعد شهر قولتى ايه
نظرت الى والدها وجدت الفرحة فى عينه فنظرت الى ادهم
مواقفة الحلقة الثانية عشر